「AI – SI」品牌重塑：這對普通從業者意味著什麼？
Painless AI Lab | 無痛AI實驗 | 一個香港人用 AI 搵食嘅真實紀錄（第三十七集）
當嗰個行政命令嘅 Feed 出現嗰陣，我第一時間走去睇下個日期: 今天不是愚人節。
2026 年 9 月 29 日，特朗普總統簽署咗一份行政命令，要求美國聯邦政府停止使用「Artificial Intelligence」（人工智能 / AI）呢個詞，全面改用「Super Intelligence」（超級智能），簡稱 SI。官方給出嘅理由係，「Artificial」（人工 / 虛假）聽落太假、太受限，而「Super Intelligence」最能反映呢項技術發展有幾快，以及將會帶來幾大嘅改變。
作為一個做開 Hardware 同 IT 嘅人，我嘅第一反應係：「頭暈」
喺 IT 行業來說，「SI」幾十年來都只代表一件事：System Integrator（系統整合商/組裝機公司），即係將硬件、網絡同軟件串等連在一起嘅公司。由宜家開始，同一個縮寫，兩個完全唔同嘅意思。
不過，喺呢個 Rebrand 嘅背後，其實隱藏住一個更深層嘅問題：
點解要踢走「Artificial」（人工）呢個字？
因為「Artificial」暗示住模仿，而「Super」則代表住超越人類嘅能力。
咁甩走「Artificial」，係咪代表AI已經開始「自我演化」？
仍未。AI 依然係一部高速運算嘅預測引擎，背後是數學、統計學，以及龐大嘅算力支撑。冇錯，比起兩年前，宜家嘅系統已經識得自我檢查輸出、行 Multi-step 嘅 Workflow、調用工具，甚至喺極少人為干預下修改 Code。呢啲都係真實嘅進步，但亦好容易俾人過度解讀。
「半自主」（Semi-autonomous）同「自我演化」（Self-developing）完全係兩回事。一個 Model 就算識得改 Script、重試失敗步驟、自動儲存結果，佢依然只係喺人類設定嘅目標、人類建立嘅框架，以及人類出錢租用嘅硬件上面行緊任務。佢唔會好似人咁樣成長：佢冇肉身、冇生存嘅渴望，亦冇自主發起嘅目標。呢度講嘅「自主」，純粹係一種產品功能，可以放大，亦可以隨時關掉。
至於 ASI 呢個問題，是另一個層次。學術同技術意義上嘅「超級人工智能」（ASI），係指一個喺基本上所有認知領域都超越人類嘅系統，甚至具備比人類理解速度更快嘅自我改善能力。我哋仲未去到呢個階段。
我個人嘅睇法係：技術能力嘅跳躍係真實嘅，「Super Intelligence」是一個願景、一個邁向更美好世界嘅發展軌跡，「Super Intelligence」或者真係指日可待。
發佈留言