SI / AI 幫唔幫到你喺市況調整時保持紀律？
Painless AI Lab | 無痛AI實驗 | 一個香港人用 AI 搵食嘅真實紀錄（第四十集）
市場調整總係令人有種無力感。
呢幾日眼見唔少散戶損手爛腳 — 包括身邊有朋友買咗隻記憶體概念股嘅槓桿產品，三日內暴挫大約 40%，由 52 週高位計更跌咗超過 85%。呢種跌勢真係好殘酷，尤其係加咗槓桿。
啱啱開始炒股嗰陣，我都交過唔少「學費」。想翻身就要努力：睇書睇到眼訓、睇勁多訂閱人數嘅 YouTube 片、追住每一篇聯儲局、財經新聞，仲要不停調校止蝕、止賺位。最攞命嘅唔單止係錢，最重要的是時間和訓唔著嘅夜晚。
咁 SI/AI 喺市況調整嗰陣能否幫到手？
是幫到，但絕對唔係靠估底。SI/AI 係唔會知個市幾時見底回升。佢真正幫到手嘅地方，係解決咗人類最致命嘅兩個樽頸位：情緒恐慌同資訊過載。
以下係我點樣用 SI/AI 確保自己喺跌市時依然跟足程序行事：
個人分析工作流程
與其喺討論區睇到心驚驚、盲目掃 Mon，我會用結構化 Prompt（提示詞）極速整理公司基本因素。幾分鐘就搞掂，唔使再花幾個鐘頭盲舂舂咁掘料。
新聞摘要
我唔使再逐條宏觀經濟新聞慢慢啃。SI/AI 會幫手綜合財報同市況更新，畀我一眼睇清咩事和重點，唔會畀市場噪音牽著走。
概念瞬間秒懂
遇到陌生名詞或者市況突變，唔使一分鐘就能夠掌握得清清楚楚。咁樣做決定先可以靠邏輯，而唔係靠估。
壓力測試守則
最重要是落場前，我會先用 SI/AI 嚟覆核自己嘅安全網如倉位大小、走位水平同最大風險承擔。佢唔會幫我發明新規矩，但會幫我守住自己定落嚟嘅底線。
咁樣做，唔係話輸錢嘅情況會消失，而係我變得更依賴可靠嘅系統，而唔係單憑一時嘅情緒。就算面對市況急挫，我能保持冷靜，因為繁重嘅資訊整理交晒畀系統，而最終決定權依然喺我手。
SI/AI 幫到手嘅係整理數據同埋考驗紀律。佢取代唔到你落多少注碼，亦都取代唔到當規則一到、你肯唔肯嚴守止蝕/止賺嘅決心。在風險管理嗰part，始終要靠你自己。
你平時個倉突然大跌嗰陣，通常點樣平伏焦慮？
留言話我知。
發佈留言